వనపర్తి,అక్టోబర్23(తెలంగాణ ముచ్చట్లు):
వనపర్తి మండలం సవాయిగూడెం గ్రామానికి చెందిన జెనిల సాయిబాబా గత కొంతకాలంగా అనారోగ్యంతో బాధపడుతున్నారు. వైద్యం కోసం అవసరమైన ఆర్థిక స్తోమత లేకపోవడంతో ఆయన వనపర్తి శాసనసభ్యులు తూడి మేఘారెడ్డి ని సంప్రదించి ఆర్థిక సహాయం కోరారు.బాధితుడి పరిస్థితిని తెలుసుకున్న ఎమ్మెల్యే మేఘారెడ్డి సానుకూలంగా స్పందించి, ఆయన చికిత్స కోసం రూ. 2 లక్షల 50 వేల రూపాయల విలువైన ఎల్.ఓ.సి (లెటర్ ఆఫ్ క్రెడిట్) మంజూరు చేయించేందుకు ప్రత్యేక శ్రద్ధ వహించారు.మంజూరైన ఎల్.ఓ.సి పత్రాన్ని గురువారం హైదరాబాద్ మాదాపూర్‌లోని తన కార్యాలయంలో ఎమ్మెల్యే మేఘారెడ్డి బాధిత కుటుంబ సభ్యులకు స్వయంగా అందజేశారు.ఈ సందర్భంగా తమకు ఆపత్కాలంలో ఆర్థిక సహాయం అందించి అండగా నిలిచినందుకు బాధిత కుటుంబ సభ్యులు ఎమ్మెల్యే మేఘారెడ్డి కి మనస్ఫూర్తిగా కృతజ్ఞతలు తెలిపారు.
Comments