వేలేరు మండల కేంద్రంలో పెట్రోల్, డీజిల్ భారీ కొరత

వేలేరు, ఏప్రిల్ 27(తెలంగాణ ముచ్చట్లు):

వేలేరు మండల కేంద్రంలో గత కొద్ది రోజులుగా పెట్రోల్ మరియు డీజిల్ కొరత తీవ్రంగా కనిపిస్తోంది. ఇంధనం అందుబాటులో లేకపోవడంతో వాహనదారులు తీవ్ర ఇబ్బందులు ఎదుర్కొంటున్నారు. పలుచోట్ల పెట్రోల్ బంకుల వద్ద వాహనాల క్యూలు కిలోమీటర్ల మేరకు కొనసాగుతున్నాయి.

ఇంధన సరఫరాలో అంతరాయం ఏర్పడటం, డిమాండ్ పెరగడం వంటి కారణాలతో ఈ పరిస్థితి నెలకొన్నట్లు తెలుస్తోంది. కొంతమంది బంకుల్లో పూర్తిగా స్టాక్ లేకపోవడంతో “నో స్టాక్” బోర్డులు పెట్టడం గమనార్హం.

ఈ సమస్య కారణంగా రవాణా వ్యవస్థపై కూడా ప్రభావం పడుతోంది. ముఖ్యంగా రైతులు, చిన్న వ్యాపారులు, ఉద్యోగులకు తీవ్ర ఇబ్బందులు కలుగుతున్నాయి.ఇది ఇలా ఉండగా బయట వ్యాపారులు మాత్రం పెట్రోల్ అధిక ధరలకు విక్రాయిస్తున్నట్లు వాహనదారులు చెపుతున్నారు.

స్థానిక ప్రజలు మరియు వాహనదారులు వెంటనే ఇంధన సరఫరా పునరుద్ధరించాలని అధికారులను కోరుతున్నారు. సంబంధిత శాఖలు తక్షణ చర్యలు తీసుకుని సమస్యను పరిష్కరించాలని ప్రజలు విజ్ఞప్తి చేస్తున్నారు. IMG-20260427-WA0123